“Семурғ” кетма-кет иккинчи мағлубиятини қарши олди ФОТОГАЛЕРЕЯ

Мамлакат чемпионати якунланиш арафасида ва олдинда жамоаларни плей-офф баҳслари кутиб турибди. Кеча “Тошкент” ва “Семурғ” хоккейчилари ўртасидаги учрашув бўлиб ўтди. 

“Семурғ” жамоаси иккинчи бўлимда жуда қулай имкониятга эга бўлди: рақибларидан икки ўйинчи икки дақиқага четлатилди. Аммо “Семурғ” хоккейчилари харчанд уринишмасин, “пойтахт”ликлар дарвозасини ишғол қила олишмади. 

Учинчи бўлимда “Тошкент” жамоаси 3:1 ҳисобида олдинга ўтиб олди. Ўйин тугашига 2 дақиқа қолганида эса “Семурғ” мураббийлари дарвозабонни ҳам ҳужумчига алмаштирди. Бу тактика ўз мевасини берди. Лекин бу ўзгариш асосий вақтни дуранг билан якунлаш учун камлик қилди: “Тошкент” - “Семурғ” 3:2. 

Ўн иккинчи турдан сўнг 15 очко жамғарган “Хумо” жамоаси 1-ўринни мустаҳкам эгаллаб турибди. Иккинчи ўринда эса 14 та очкога эга бўлган “Бинокор” боряпти. Кучли учликка 13 очко жамғарган “Тошкент” жамоаси якун ясаган. Сўнгги ўринни 12 очкога эга “Семурғ” банд этган. 

Суратлар муаллифи - Алимурод Мамадаминов