Сен-Пьер Макгрегорга маслаҳат берди

Канадалик спортчи воқеаларнинг бундай ривожланишини кутмаганини таъкидлади. Шу билан бирга Конорга маслаҳат берди.

"Мен Конор ғалаба қозонади деб ўйлаган эдим, аммо хато қилган эканман. Мен бундай натижадан ҳайратландим. Ўйлашимча, Конорнинг энг кучли томони, бу - рақибларига мунтазам босим ўтказиши. Энди Конор ўзини қандай тутиши жудаям қизиқ. Мен бу мағлубиятдан сўнг унинг қайтишига ишонаман. 

Конор "қайта туғилиши" керак. У ёки машғулотларда, ёки ҳаёт тарзида ниманидир ўзгартириши керак. Гап айнан шундами йўқми, буниси муҳим эмас. Мен ҳам Метту Серрага мағлуб бўлганимда ҳамма гап машғулотларимдаги камчиликларда эканлигига ўзимни ишонтирганман. Балки, гап бошқа жойда бўлгандир. Лекин, мен машқ қилишда давом этганман ва ўзимга бўлган ишончни айнан шу йўл билан тиклаганман. Конор ҳам ўз фикрича нимани нотўғри қилганини аниқлаб олиши керак", - деди Жорж Сен-Пьер.