24 апр 16:06
Янгиликлар

Теннис

Сергей Фомин деярли уч соатга яқин драматик учрашув ўтказди

Қозоғистоннинг Шимкент шаҳрида теннис бўйича ITF M15 тоифасига кирувчи турнир бўлиб ўтмоқда.

Ушбу мусобақада мамлакатимизнинг иккинчи ракеткаси Сергей Фомин ҳам ўз маҳоратини намойиш этяпти. Ҳамюртимиз ҳозиргина якунига етган 1/8 финал учрашувида қийин ғалабага эришди. У 2 соату 50 дақиқа давом этган баҳсда Бекхан Алтангериевни қийинчилик билан мағлуб этди - 7/5, 4/6, 6/4.

Таққослаш учун, Шимкент турнирининг биринчи ракеткаси бўлган Фомин ҳозирда ATP рейтингида 461, бугун жиддий қаршилик кўрсатган 24 яшар Бекхан 994-ўринни эгаллаб турибди. Сергей бугунги ғалабаси орқали яна бир ҳамюртимиз Максим Шин учун ҳам "ўч" олди. Алтангериев кеча 1/16 финалда айнан Шиндан уч сет натижасига кўра устун келган эди.