23 фев 13:51
Янгиликлар

Бокс/ММА

Шаҳобиддин Зоировнинг Олимпиада финалидаги рақиби май ойида чемпионлик жангида рингга кўтарилмоқчи

Россиялик боксчи Михаил Алоян навбатдаги жангини чемпионлик учун май ойида ўтказмоқчи.

"Май ойида чемпионлик учун рингга кўтарилмоқчиман. Ҳозирда жанг манзили ва вақтини келишиб олиш керак. Катта эҳтимол билан жангим Россия ҳудудида бўлади", - деди Михаил Алоян.

Қайд этиш лозимки, ҳаваскор боксдаги жангини 2016 йили Рио Олимпиадаси финалида ўтказган Алоян проф рингда 6 та жанг ўтказишга ҳам улгурган. У жангларнинг 5 тасида ғалаба қозонган ва 1 тасида имкониятни бой бериб қўйган.

Маълумот учун, Алоян WBA Gold камарига эгалик қилади.