03 сен 08:15
Янгиликлар
Бокс/ММА
Шаҳрам Ғиёсовнинг вазнидаги яна бир чемпион ўз камарини вакант қолдирмоқчи. У Исроил Мадримов билан жанг қилиши мумкин
Инсайдер Майкл Бенсоннинг маълум қилишича, яримўрта вазн тоифасида IBF камари соҳиби, америкалик Жейрон Эннис (32-0, 29 КО) камарини вакант қолдириши мумкин.
Энниснинг промоутери Эдди Хирн WBO чемпиони Брайан Норман билан келишувга эриша олмаганидан сўнг, Сергей Богачук билан алоқага киришганини, шунингдек, Жейроннинг супер яримўрта вазн тоифасида собиқ WBA чемпиони, ҳамюртимиз Исроил Мадримов билан жанги имкониятлари кўриб чиқилаётганини маълум қилди.
Маълумот ўрнида, Богачук ҳам, Мадримов ҳам супер яримўрта вазн тоифасида жанг қилишади.
Энниснинг IBF камарига мажбурий даъвогар айни дамда украиналик боксчи Карен Чухажян ҳисобланади. Аввалроқ, америкалик яна бир чарм қўлқоп устаси — Теренс Кроуфорд ҳам ярим ўрта вазн тоифасидаги WBA камарини вакант қолдиргани ҳақида хабар берган эдик. Мазкур йўналишдаги чемпионлик учун мажбурий даъвогар ҳамюртимиз Шаҳрам Ғиёсов саналади.
Ҳавола :
Манба : primesport
Фикрлар