29 май 18:39
Янгиликлар

Дзюдо

Шаҳзодбек Собировни табриклаймиз!

Бугун Хоразм дзюдо мактаби тарбияланувчиси Шаҳзодбек Собиров ўз таваллуд айёмини нишонламоқда.

Шаҳзодбек Собиров 1993 йилнинг 29 май куни Хоразм вилоятининг Шовот туманида таваллуд топган. Биринчи мураббийи Жамшид Худойберганов. Дзюдодаги фаолияти давомида -81, -90 кг вазн тоифаларида юртимиз шарафини ҳимоя қилган.

2015 йилги Париж "Катта Дубулға" турнири ғолиблигини қўлга киритган. 2014 йилда Тошкент, 2017 йили эса Тбилиси Гран-присида бронза медалига сазовор бўлган. Жамоавий баҳсларда Осиё чемпионатининг олтин медалига эга чиққан.

Фурсатдан фойдаланиб, мураббийлик фаолиятини бошлаш истагида бўлган Шаҳзодбек Собировни бугунги унутилмас куни билан муборакбод этамиз.