12 окт 09:06
Янгиликлар

Теннис

Shanghai Masters. Федерер ўзидан 16 ёш кичик теннисчига ютқазиб қўйди

Хитойнинг Шанхай шаҳрида "Мастерс" сериясига кирувчи нуфузли турнир давом этмоқда.

Мусобақада ярим финал иштирокчилари маълум бўлди. Сайёрамизнинг учинчи ракеткаси Рожер Федерер 2 соату 4 дақиқа давом этган 1/4 финал учрашувида рейтингнинг олтинчи поғонасидан жой олиб турган германиялик Александр Зверевга ютқазиб қўйди - 3/6, 7/6(7), 3/6.

Баҳс давомида 38 ёшли Рожер учта, 22 ёшли Александр эса 17 та эйс зарбани амалга оширди. Теннисчиларнинг ўзаро учрашувларидаги ҳисоб мувозанати тикланди - 3:3. Бугун Зверев Rolex Shanghai Masters турнирининг финал чиптаси учун италиялик Маттео Берреттинига қарши кортга чиқади.