21 окт 11:17
Янгиликлар

Теннис

Шаповалов Стокгольмда тенгсиз бўлди

Дунёнинг 34-ракеткаси Денис Шаповалов Швеция пойтахти Стокгольм шаҳрида якунланган турнир ғолибига айланди.

Канадалик теннисчи 1 соату 24 дақиқа давом этган финал учрашувида рейтингнинг 60-поғонасидан жой олган сербиялик Филипп Крайиновични 6/4, 6/4 ҳисобида таслим этди.

Бу теннисчиларнинг ўзаро ўтказган илк учрашуви эди. 20 ёшли Шаповалов учрашув давомида 16 та эйс зарбасини амалга оширган. Intrum Stockholm Open турниридаги иштирок Шаповаловга 250 рейтинг очкоси ҳамда 109 590 евро мукофот пули олиб келди.