20 дек 12:15
Янгиликлар
Теннис
Шарипова Анқарадаги иштирокини ғалаба билан бошлади
Туркиянинг Анқара шаҳрида теннис бўйича “Фьючерс” туркумига кирувчи турнирнинг асосий тўр баҳслари бошланди.
Соврин жамғармаси 50 000 АҚШ долларини ташкил қилувчи ушбу мусобақада ҳамюртимиз Сабина Шарипова ҳам иштирок этяпти.
Мамлакатимизнинг биринчи рақамли теннисчиси асосий тўр баҳсларида ўз имкониятини синовдан ўтказмоқда. Шарипова турнирда учинчи рақам остида таснифланган.
Қуръа натижасига кўра, ҳамюртимиз бугун илк даврада туркиялик Ченгиз Берфуга қарши кортга чиқди. Мезбон теннисчи асосий тўрда имтиёзли йўлланма асосида ҳаракат қилади.
Уч сет давом этган учрашувда Шарипова рақибасини 3:6, 7:6(6), 6:3 ҳисобида мағлуб этди. Сабина ўтган ҳафта БААнинг Дубай шаҳрида бўлиб ўтган турнирда иштирок этиб, чорак финалга қадар етиб борган эди.
Ҳавола :
Манба : olamsport.com
Фикрлар