21 янв 11:31
Янгиликлар

Теннис

Шарипова бу ҳафта ҳам Сингапурдаги турнирда иштирок этади

Мамлакатимизнинг биринчи ракеткаси Сабина Шарипова бугундан саралаш баҳслари старт олган Сингапурдаги турнирда ўз маҳоратини намойиш қилади.

Ҳамюртимиз турнирда учинчи рақам остида таснифланган ва табиийки, тўғридан-тўғри асосий тўр баҳсларида иштирок этади. Сингапур турнирининг мукофот жамғармаси 25 000 АҚШ долларини ташкил этади.

Асосий тўрга қуръа ташлаш маросими эртага бўлиб ўтади. Шарипова ўтган ҳафта ҳам айнан Сингапурдаги мусобақада қатнашган ва чорак финалда ҳиндистонлик Анкита Райнага имкониятни бой бериб қўйган эди.