22 янв 13:01
Янгиликлар

Теннис

Шарипова Сингапурдаги турнирда иштирок этмайди

Хабар берганимиздек, мамлакатимизнинг биринчи ракеткаси Сабина Шарипова Сингапурдаги турнирда ўз маҳоратини намойиш этиши керак эди.

Ҳамюртимиз турнирда учинчи рақам остида таснифланган эди. Лекин бизга номаълум сабабларга кўра, мамлакатимизнинг биринчи рақамли теннисчиси бу мусобақада қатнашмайдиган бўлди.

Сингапур турнирининг мукофот жамғармаси 25 000 АҚШ долларини ташкил этади. Шарипова ўтган ҳафта ҳам айнан Сингапурдаги мусобақада қатнашган ва чорак финалда ҳиндистонлик Анкита Райнага имкониятни бой бериб қўйган эди.