27 сен 13:50
Янгиликлар
Шаржада шахмат бўйича “Мастерс” турнири якунланди, ҳамюртимиз кучли ўнликда!
Мусобақанинг сўнгги 9-тур ўйинлари вакилларимиз учун ўртача кечди, яъни биттадан ғалаба, дуранг ва мағлубият.
Ҳамюртларимизнинг ягона ғалабасини Жавоҳир Синдаров қайд этди. У оқ доналарда грециялик халқаро гроссмейстер Димитриос Мастровасилисни мағлубиятга учратди ва халқаро турнирни 5,5 очко билан якунлади.
Нодирбек Абдусатторов эса мусобақа мезбони Салим Солиҳга имкониятни бой берди ва бу шахматчимиз ҳам мусобақадаги иштирокини 5,5 очко билан тугатди.
Шахматчиларимиз орасида энг яхши натижа қайд этган Нодирек Ёқуббоев эса 9-турда Эрон вакили, якунда халқаро турнир ғолибига айланган Муҳаммад Амин Табатабайига қарши оқ доналарда ҳаракат қилди ва дурангга эришди. Бу натижа орқали ўз очколари сонини 6тага етказиб олган Хоразм фарзанди “Шаржа Мастерс” халқаро турнирда 8-ўринни эгаллади.
Қолган шахматчиларимиз ҳам кучли 20таликдан жой олди. Хуллас, вакилларимиз Шаржа турнирида юртимиз шарафини муносиб ҳимоя қилишди.
Фикрлар