18 июн 18:03
Янгиликлар

Шахмат

Sharjah 21 Rapid Open турниридаги энг яхши натижамиз - 10-ўрин!

БААнинг Шаржа шаҳрида шахмат бўйича Sharjah 21 Rapid Open Chess Tournament 2016 турнири якунланди.

Анъанавий тарзда ўтказиб келинаётган халқаро турнирда ўзбекистонлик шахматчилар ҳам иштирок этишди. Швейцарча тизимда ўтказилган 9 турдан иборат мусобақа якунида ҳамюртларимиздан энг яхши натижани Алексей Барсов қайд этди.

Гроссмейстеримиз 9 имкониятдан 6,5 очко жамғариб, 10-ўринни эгаллади. Марат Жумаев ва Жавоҳир Синдаров ҳам 6,5тадан очко тўплашди. Фақат қўшимча коэфицентларга кўра бу шахматчиларимиз мос равишда 15 ва 17-ўринни банд этишди.

Бир йўла уч нафар гроссмейстер 7,5тадан очкога эга бўлишди ва улар совринли ўринларни ўзаро бўлишиб олишди. Қўшимча кўрсаткичларга кўра арманистонлик Владимир Акопян мусобақа ғолиби бўлди. Кучли учликка мисрлик шахматчилар Ахмед Адли ва Амин Бассем якун ясашди.