Шауб Нурмагомедовнинг мағлубияти ҳақида: "Навбат Махачевга!"

Шауб якунда UFC`нинг енгил вазн тоифаси чемпиони, ташкилотнинг вазн тоифасидан қатъи назар энг яхши жангчиси (P4P) ҳисобланган Ислам Махачевнинг қулашига олиб келишига ишонмоқда.

"Менимча, бу Нурмагомедовлар жамоаси ҳимоясидаги кичик бир тирқишни кўрсатиб берди. Ўйлайман-ки, навбатдагиси Ислам бўлади. Бу ақлдан озгандек туюлиши мумкин, биламан. Лекин энди йигитлар уларнинг жамоасидан камроқ қўрқишади, чунки уларни қандай мағлуб этиш режаси кўрина бошлади: шунчаки юзига уриш керак. Иккиланманг, уларни техник жиҳатдан енгишга уринишнинг кераги йўқ", — деди Шауб "Big Brown Breakdown" таҳлилий дастурида.

Шаубнинг фикрича, россиялик жангчини мағлуб этиш учун энг катта имкониятга эга бўлган спортчи — бу муддатидан олдин ғалаба қозониш кўрсаткичи юқори ва кураш базасига эга бўлган мағлубиятсиз эквадорлик Майкл Моралесдир.

Шунга қарамай, Ислам Махачевнинг навбатдаги рақиби катта эҳтимол билан бразилиялик нокаутчи Карлос Пратес бўлади. У чемпион билан жорий йилнинг охири ёки келаси йилнинг бошида октагонда тўқнаш келиши мумкин.