UZ

Сўнгги янгиликлар

23:08Япониялик жаҳон чемпиони Тошкентда проф боксда дебют қилди. Рақиб ўзбек боксчиси эди + ФОТОГАЛЕРЕЯ 0 20:54Акбар Жўраев навбатдаги совринга эга бўлди 0 20:12Тагир Уланбековнинг навбатдаги рақиби ва жанг санаси маълум 0 19:51Велоспортчиларимиз “Sharjah Tour” турниридаги иштирокларини бошлашмоқда 0 19:30Сауль Альвареснинг навбатдаги жанг санаси маълум. У учта чемпиондан бирини танлаши лозим 0 19:25ФОТОГАЛЕРЕЯ. Хасбик, Абдурозик ва Эрали илк бор Тошкентда учрашди 1 19:09А Сериянинг уч топ-клуби Кейлор Навас учун рақобат қилмоқда 0 18:48Гассиев ва Руис IBF титули учун Хрговичга қарши жангга таклиф олишди 0 18:27Яқиндан танишамиз: Пекин-2022 Олимпиадаси иштирокчиси Комилжон Тўхтаев 0 18:06Чемпион Фьюри навбатдаги рақибини эълон қилди + ПОСТEР 1 17:45 Мориба Ла Лигага қайтади 0 17:24Петра Квитова Санкт-Петербургдаги турнир учун wild card олди 0 17:03BОООООООМ. UFC раҳбари даҳшатли жангни ташкил қилмоқчи 4 16:43Рафаэль Надальнинг финалдаги рақиби маълум + ФОТОГАЛEРEЯ 0 16:10ПСЖ "Тоттенхэм" ўйинчисини ижарага олишга яқин 0

16 ноя 09:04
Янгиликлар

Шахмат

Шахмат. 120 минг долларлик «Президент кубоги»да кимлар пешқадамлик қилмоқда?

Теглар :  Шахмат
Халқаро шахмат академиясида давом этаётган шахмат бўйича Ўзбекистон Республикаси Президенти соврини учун халқаро турнирда 6-тур ўйинлари ортда қолди.

Ушбу мусобақада дунёнинг 9 давлатдан жами 104 нафар моҳир шахматчилар дона суришмоқда.

«Президент кубоги» халқаро турнирида 27 нафар гроссмейстер, 16 нафар халқаро мастер, кўплаб ФИДE устаси ҳамда спорт усталари иштирок этишмоқдаки, бу мусобақанинг нуфузи юқори эканлигини англатади.

6-тур ўйинларидан кейин мусобақада 4 нафар пешқадам ажралиб чиқди. Эътиборли жиҳати, улардан икки нафари ҳамюртларимиздир.

Жумладан, ҳамюртимиз Шамсиддин Воҳидов оқ доналарда украиналик Александр Моисенко устидан ғалабага эришди ва ўз очколари сонини 5тага етказиб, пешқадамлар сафидан жой олди. Нодирбек Ёқуббоев эса қора доналарда бошқа бир украин шахматчиси Виталий Сивукни мағлуб этди ва у ҳам 5 очко билан пешқадамлар квартетига қўшилди.

Россиялик халқаро гроссмейстер Санан Сюгиров эса 6-турда АҚШ шарафини ҳимоя қилаётган шахматчи Тимур Гареевни доғда қолдириб, қўшимча коэффициентларга кўра пешқадамликни ўз қўлига олди. Шунингдек, украиналик Виталий Бернадский ҳам 6-турда америкалик Ханс Ниеманн устидан ғалабага қозониб, ўз очколари сонини 5тага етказиб олди.

Бугунги ўйинларда ҳамюртимиз, халқаро гроссмейстер Жавоҳир Синдаров россиялик Максим Матлаков билан дурангга эришган бўлса, ҳамюртларимиз орасида энг юқори рейтингга эга шахматчи Нодирбек Абдусатторов ФИДE устаси, ҳамюртимиз Муҳиддин Мадаминовни доғда қолдирди. Ушбу натижалардан кейин Синдаров ва Абдусатторовлар ҳисобидаги очколар сони 4,5тага етди ва улар пешқадамларни таъқиб этишмоқда.

Эслатиб ўтамиз, «Президент кубоги» халқаро турнирининг умумий соврин жамғармаси 120 000 АҚШ долларини ташкил этади ва бу мамлакатимиз шахмати тарихида энг юқори соврин жамғармасига эга турнир сифатида тарихга кирди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг