03 июл 19:26
Янгиликлар

Шахмат

Шахмат. Академияда Ўзбекистон чемпионати старт олди ФОТОГАЛЕРЕЯ

Пойтахтимиздаги Халқаро шахмат академиясида олий лига иштирокчилари ўртасида Ўзбекистон чемпионати бўлиб ўтмоқда.

Жами 13 нафар шахматчи иштирокида кечаётган эркаклар ўртасидаги мамлакат чемпионатида 1-турдан сўнг илк пешқадамлар аниқланди.

Унга кўра, Сайдали Йўлдошев Саидакбар Сайдалиевни, Жавоҳир Синдаров Раҳматжон Раҳимовни, Абдумалик Абдусалимов Никита Хорошевни, Нодирбек Ёқуббоев Асилбек Собировни, Шамсиддин Воҳидов Нодирбек Абдусатторовни мағлуб этди ва қимматли биринчи очкога эга бўлди.

Ортиқ Ниғматов ва Марат Жумаев баҳсида эса томонлар дурангга имзо чекишди. Бугун 2-тур ўйинлари бўлиб ўтди. Ўзбекистон чемпионати ғолиб ва совриндорлари 14 июль куни маълум бўлади.