05 фев 18:09
Янгиликлар

Шахмат

Шахмат академиясида мамлакат чемпионати давом этмоқда + ФОТОГАЛЕРЕЯ

Теглар : Шахмат

Бугун пойтахтимиздаги Халқаро шахмат академиясида 14, 16, 18 ёшли ўғил ва қиз болалар ўртасида ўтказилаётган Ўзбекистон чемпионатининг сўнгги тури ўтказилмоқда.

Ўтган 8 тур натижаларига кўра сурхондарёлик Умида Омонова барча имкониятлардан тўла фойдаланган ҳолда ўз гуруҳида пешқадамлик қилмоқда. Унинг ҳисобида 8 очко бор. 16 ёшли қизлар ўртасида Юлия Хегай (Тошкент) 8 имкониятдан 7 очко жамғариб, ғолибликка асосий даъвогарлик қиляпти. Навоийлик Ситора Сапарова сўнгги тур олдидан очколар сонини 7,5 тага етказиб, ғолиблик сари дадил одимламоқда.

Тошкент вилояти шарафини ҳимоя этаётган Олмос Раҳматуллаев (7,5 очко), бухоролик Мирфайз Суннатов (7 очко) ва сурхондарёлик Муҳаммадали Абдураҳмонов (6,5 очко) ҳам ўз гуруҳларида пешқадамлик қилишяпти.

Сўнгги 9-тур натижаларидан сўнг, ғолиб ва совриндорлар ташкилотчилар томонидан тақдирланади.