Шахмат бўйича биринчи онлайн Ўзбекистон чемпионати қоидалари билан танишмисиз?

Вақт назорати: (3 + 1) барча иштирокчиларга ўйин тугагунига қадар ҳар бир юриш учун 3 дақиқа + 1 сония тақдим этилади. Мусобақада шахмат ихлосмандлари – Ўзбекистон Республикаси фуқаролари иштирок этишлари мумкин. FIDE ID va FIDE ELO рейтингини кўрсатинг.

FIDE ELO иштирокчисининг рейтинги 2200дан ошмаслиги керак. Мусобақада иштирок этишингиз учун сиз талабларга мувофиқ, chess.com ўйин веб-сайтидаги “Ўзбекистон Республикаси Жисмоний тарбия ва спорт вазирлиги” шахмат клубига аъзо бўлишингиз керак.

Шу билан бирга, мусобақанинг ҳар бир иштирокчиси chess.com сайтида ўз исми ва фамилиясига мос келадиган расмий логинга эга бўлиши лозим.

Муҳим эслатма: рўйхатдан ўтган дастлабки 1000 (минг) нафар иштирокчига мусобақада(ҳамкор платформаларининг белгиланган чегараси билан боғлиқ) қатнашиш ҳуқуқи берилади.

FIDE ID – FIDE коди ўйинчининг доимий шахсий рақами (ID) ва қайси турнирда (классик, рапид, блиц) иштирок этишидан қатъий назар, унинг индентификатори ўзгармайди.

FIDE ELO – ELO рейтинг ELO рейтинг тизими, ELO коеффициенти – иккита ўйинчи иштирок этадиган ўйинларда (масалан, сеги, го ёки шахмат) ўйинчиларнинг нисбий кучини ҳисоблаш усули.

Ҳурматли мусобақа иштирокчилари! Онлайн шахмат мусобақасини ОАВ, хусусан ТВда кенг ёритиш мақсадида сизлардан уй шароитида мусобақада иштирок этаётган ҳолатларингиз акс этган фото ва видеолавҳаларни телеграм мессенжери орқали қуйидаги рақамга юборишларингизни сўраймиз: +99893 394-54-86