Шахмат бўйича биринчи онлайн Ўзбекистон чемпионатининг навбатдаги ғолиби Қашқадарёдан

Карантин даврида аҳолининг бўш вақтини мазмунли ташкил этиш, юртдошларимиз орасида шахматни янада ривожлантириш мақсадида ўтказилаётган онлайн мусобақанинг 16 май кунги баҳслари ҳам жуда муросасиз руҳда бўлиб ўтди.

Онлайн Ўзбекистон чемпионатининг 5-турнирида Қашқадарё вилоятининг Қарши туманида туғилган Каримов Шахзод энг яхши натижани қайд этган ҳолда навбатдаги чемпионга айланди.

Маълумот учун, ушбу онлайн мусобақа ғолиблари 3 миллион сўм миқдоридаги пул мукофоти ҳамда шахмат бўйича ҳаваскорлар ўртасида биринчи онлайн Ўзбекистон чемпионати ғолиби дипломи билан тақдирланади.

Эслатиб ўтамиз, шахмат бўйича ҳаваскорлар ўртасида биринчи онлайн Ўзбекистон чемпионати 20 майга қадар давом этади.

Жисмоний тарбия ва спорт вазирлиги Матбуот хизмати