Шахмат бўйича жаҳон Кубогида илк финалчи аниқланди

Эркаклар ўртасидаги баҳсларда 1/2 финалнинг иккинчи учрашувлари бўлиб ўтди. Илк жуфтликда мусобақа кашфиётига айланган озарбайжонлик Нижат Абасов собиқ жаҳон чемпиони, норвегиялик Магнус Карлсенга қарши оқ доналарда ўйнаб, дуранг натижа қайд этди. Магнус биринчи учрашувдаги ғалаба эвазига финалга йўл олди. Абасов эса учинчи ўрин учун баҳсда иштирок этади. 

Иккинчи 1/2 финал жуфтлигида эса америкалик Фабиано Каруана ҳиндистонлик Рамешбабу Праггнанандҳага қарши қора доналарда ҳаракат қилди. Бу сафарги учрашувда ҳам гроссмейстерлар дурангга имзо чекишди. Бугун ҳал қилувчи партия ўтказилади.  

Эслатиб ўтамиз, жаҳон Кубоги чемпионлик тожи учун саралаш вазифасини ҳам ўтаб беряпти. Кучли учликдан жой олган гроссмейстерлар даъвогарлар мусобақасига йўлланмани қўлга киритади.  

Жаҳон Кубоги. Эркаклар. 1/2 финал. Иккинчи партия

Нижат Абасов (Озарбайжон) – Магнус Карлсен (Норвегия) - 0,5:0,5 (умумий ҳисоб – 0,5:1,5)

Рамешбабу Праггнанандха (Ҳиндистон) – Фабиано Каруана (АҚШ) - 0,5:0,5 (1:1)