Шахмат бўйича Ўзбекистон чемпионатида 5 тур якунларига кўра кимлар етакчилик қиляпти? + ФОТОГАЛЕРЕЯ

236 нафар шахматчи иштирок этаётган турнирнинг 5 тури ортда қолди. Унга кўра, Абдурахмон Ражабов (8 ёшгача бўлганлар ўртасида) пешқадамлик қилмоқда. У 5 имкониятдан 4,5 очко жамғарган. Қизлар ўртасидаги баҳсларда эса Ирода Жумаева барча беллашувларни ғалаба билан якунлаган (5 имкониятдан 5 очко). 10 ёшгача бўлганлар гуруҳида (ўғил болалар) уч нафар шахматчи бир хил - 4,5 тадан очко олган: Акром Йўлдошев, Исломбек Эшпўлатов, Лазизбек Шавкатов. Қизлар баҳсида эса Моҳинахон Каримова 5 очко билан пешқадамлик қиляпти. 12 ёшгача бўлган ўғил болалар баҳсида Абдумажид Ботиралиев ҳамда Абдулқодир Баходиров етакчилик қилмоқда. Бу икки шахматчи ҳисобида 4,5 тадан очко бор. Ушбу гуруҳнинг қиз болалар ўртасидаги беллашувларда Моҳинур Ҳикматхонова якка пешқадам бўлиб турибди. Моҳинурнинг ҳисобида ҳам 4,5 очко мавжуд.

Чемпионатнинг ҳар учала йўналиши бўйича ғолиб ва совриндорлари 11 февраль куни маълум бўлади.