Шахмат бўйича «Прокурор кубоги» мусобақаси ташкил этилди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Фармони ҳамда 2021 йил 14 январдаги «Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида»ги қарори ижросини таъминлаш мақсадида Фарғона шаҳар прокуратураси ҳамда Ўзбекистон давлат жисмоний тарбия ва спорт университетининг Фарғона филиали ҳамкорлигида ташкил этилган мусобақада уюшмаган аҳоли фаол иштирок этди. Баҳсларда 18-30 ёш ва 30 ёшдан катталар (эркаклар ва аёллар) ўртасида ўтказилди.

Тадбирнинг очилиш маросимида Фарғона шаҳридаги МФЙларнинг 30 нафардан ортиқ фаоллари, турли корхона ва ташкилотлар раҳбарлари, таълим муассасалари мутасаддилари ҳамда ўқувчилар иштирок этди.

Мусобақани Фарғона шаҳар прокурори, адлия катта маслаҳатчиси Д.Қобулов ҳамда Ўзбекистон давлат жисмоний тарбия ва спорт университетининг Фарғона филиали директори Р.Расуловлар очиб беришди.

Мусобақада 60 нафардан ортиқ иштирокчилар ўзаро баҳслашди. Қизғин ва муросасиз курашлар остида кечган мусобақа ғолиб ва совриндорлари билан танишинг:

30 ёшгача йигитлар ўртасида:

1. Жалолов Рустам,

2. Собиров Асилбек,

3. Эркинов М.

30 ёшгача хотин-қизлар ўртасида:

1. Иброҳимова Райхона,

2. Ўктамова Назирабегим,

3. Ўктамова Зубайда.

30 ёшдан катта эркаклар ўртасида:

1. Рустамов Алишер,

2. Усмонов Зокирали,

3. Юсупов Обиджон.

30 ёшдан катта аёллар ўртасида:

1. С.Муллажонова,

2. С.Холматова,

3. М.Султонова.

Мусобақа якунида ғолиб ва совриндорларни Фарғона шаҳар прокурори Д.Қобулов диплом ва қимматбаҳо эсталик совғалари билан тақдирлади.

Шунингдек, тадбирда хизмат кўрсатган устоз ва мураббийлар, ҳакамлар ҳам самарали меҳнати учун Ўзбекистон давлат жисмоний тарбия ва спорт университети Фарғона филиали директори Р.Расулов томонидан ташаккурнома ва эсталик совғалари билан тақдирланди.