Шахмат федерациясига янги раҳбар тайинланди, Қосимжонов вице-президент бўлди

Йиғилишда бир қатор муҳим масалалар муҳокама қилинди. Улар орасида энг муҳими, Ўзбекистон шахмат федерациясига янги раҳбарнинг тайинланиши бўлди. Бу ҳақда федерация матбуот хизмати хабар бермоқда.

Конференцияда Ўзбекистон Реуспублика Халқ таълими вазири Иноятов Улуғбек Илёсович, Маданият ва спорт ишлари вазирининг биринчи ўринбосари Алиев Муроджон Боқиевич, “Ўзпахтасаноатэкспорт” холдинг компанияси бошқаруви раиси Камолов Акмал Сайдакбарович, Миллий олимпия қўмитаси Бош котиби Касимов Ойбек Омилович ҳамда делегатлар иштирок этишди.

Тадбир қатнашчилари Ўзбекистон шахмат федерацияси президентлиги лавозимини тарк этган Алишер Султоновга миннатдорчилик билдиришди. Аввал хабар берилганидек, Султонов Ўзбекистон Миллий олимпия қўмитаси раҳбари лавозимида фаолиятини давом эттиради.

Конференция якунида Ўзбекистон шахмат федерациясига янги раҳбар ҳамда бошқарув органига вакиллар сайланди:

Президент – Иноятов Улугбек Илёсович

Биринчи вице-президент, ФИДЕ делегати – Турдиалиев Хусан Худойқулович

Вице-президент - Камолов Акмал Сайдакбарович

Вице-президент – Қосимжонов Рустам Машрукович

Вице-президент – Умурзоқов Баҳодир Ҳамидович

Вице-президент – Ғофуров Элдор Шукурович

Вице-президент – Қўзиев Турсунали Каримович

Федерация бош котиби – Холиқова Хуршидабону Хуррамовна