06 май 11:28
Янгиликлар
Шахмат
Шахмат. Гулруҳбегимда учинчи ғалаба, Сарвиноз ютқазди
Пойтахтимизда шахмат бўйича эркаклар ва аёллар ўртасида мамлакат чемпионати олий лига баҳслари давом этмоқда.
Хотин-қиз шахматчилар мусобақасида икки нафар халқаро гроссмейстер - Гулруҳбегим Тохиржонова (2349, чемпионатнинг биринчи рақамли иштирокчиси) ва Сарвиноз Қурбонбоева (2219) иштирок этмоқда. Учинчи турда улардан бири мағлубиятга учради.
Кетма-кет икки ғалабадан сўнг Сарвиноз Қурбонбоева қора доналарда ўйнаб, Ирина Геворгянга имкониятни бой бериб қўйди. Тоҳиржонова эса учинчи ғалабасини тантана қилди. Бу сафар у қора доналарда Севара Боймуродовани енгди.
Амалдаги мамлакат чемпиони Нодира Нодиржонова Баҳора Абдусатторовадан устун келди. Нилуфар Ёқуббоева Райҳон Дониёровани, Маржона Ўктамова Шаҳзода Шермуҳаммадовадан устун келди. Бугун 4-турда Тоҳиржонова Геворгянга қарши дона суради.
Ҳавола :
Манба : olamsport.com
Фикрлар