Шахмат Олимпиадаси: Дунёнинг биринчи рақамли жамоаси билан дуранг ўйнадик

Бугун Олимпиаданинг 4-тури доирасида Ўзбекистон эркаклар терма жамоаси жаҳоннинг биринчи рақамли терма жамоаси Америка Қўшма Штатлари вакилларига қарши баҳс олиб боришди. 

Қизғин баҳс 2:2 ҳисобидаги дуранг билан ниҳоясига етди. Терма жамоамиз сафида Нодирбек Абдусатторов қора доналарда Фабиано Караунани мағлубиятга учратганини алоҳида қайд этишимиз лозим. Нодирбек Якуббаев ва Жаҳонгир Воҳидов дуранг қайд этган бўлса, Жавоҳир Синдаров афсуски имкониятни бой бериб қўйди. 

Ушбу дурангдан сўнг терма жамоамиз ҳисобидаги очколар сони 7 тага етди. Бунгача вакилларимиз учта баҳсда ғалабага эришган эдилар.