Шахмат Олимпиадаси. Эркаклар жамоамиз Куба билан дуранг ўйнади

42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. Ўн еттинчи жаҳон чемпиони Рустам Қосимжонов бошчилигидаги Ўзбекистон эркаклар терма жамоаси Олимпиаданинг 9-турида Куба терма жамоаси билан 2:2 ҳисобида дуранг ўйнади.

Рустам Қосимжонов биринчи доскада Кубанинг биринчи рақам гроссмейстери Леньер Домингесга имкониятни бой берди. Жаҳонгир Воҳидов ва Антон Филиппов кучли рақиблари билан муросага келишди. Марат Жумаев рейтингда ўзидан юқорида турган Рейналдо Ортизни мағлуб этишнинг уддасидан чиқди.

Таққослаш учун, Куба терма жамоаси Олимпиадада 5, Ўзбекистон терма жамоаси 31-рақам остида таснифланган. Бугун шахматчиларимиз 10-турда Германия терма жамоаси вакилларига қарши дона сураишади. Тўққизинчи турдан сўнг терма жамоамиз қўшимча кўрсаткичларга кўра 37-поғонадан 36-ўринга кўтарилиб олди. Терма жамоамиз ҳисобида 5та ғалаба, битта дуранг ва 3та мағлубият бор.