10 сен 10:55
Янгиликлар
Шахмат
Шахмат Олимпиадаси. Эркаклар жамоамиз Никарагуани мағлуб этди
Озарбайжон пойтахти Боку шаҳрида давом этаётган Бутунжаҳон шахмат Олимпиадаси ўзининг қизғин палласига кирди.
42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. Ўн еттинчи жаҳон чемпиони Рустам Қосимжонов бошчилигидаги Ўзбекистон эркаклар терма жамоаси Олимпиаданинг еттинчи турида Никарагуа терма жамоасини 4:0 ҳисобида мағлуб этди.
Рустам Қосимжонов, Жаҳонгир Воҳидов, Антон Филиппов ва Нодирбек Ёқуббоевлар рақибларига ҳеч қандай имконият қолдиришмади. Бугун шахматчиларимиз 8-турда Зимбабве терма жамоаси вакилларига қарши баҳс олиб боришади. Еттинчи турдан сўнг терма жамоамиз қўшимча кўрсаткичларга кўра 52-ўринни эгаллаб турибди. Терма жамоамиз ҳисобида 4та ғалаба, 3та мағлубият бор.
Ҳавола :
Манба : olamsport.com
Фикрлар