Шахмат Олимпиадаси: Словакия йирик ҳисобда мағлубиятга учратилди

Бугун Ўзбекистон эркаклар терма жамоаси мусобақа доирасида Словакия вакилларига қарши дона суришди. Қувонарлиси, вакилларимиз 5-турда ҳам муваффақиятли юришларини давом эттириб, навбатдаги ғалабани қўлга киритишди. 

Шахматчиларимиз бугун ўтказилган баҳсларда Словакияни 4:0 ҳисобида мағлуб этдилар. 

Ушбу ғалаба орқали Ўзбекистон эркаклар терма жамоаси ҳисобидаги очколар сони 9 тага етди. 

Бунгача вакилларимиз Непал, Фарер Ороллари ва Словения терма жамоаларини мағлуб этиб, АҚШ билан дуранг ўйнашганди. 

Қизларимиз учун эса афсуски бугунги кун бироз омадсиз бўлди. Терма жамоамиз вьетнамлик рақибаларига 0,5 - 3,5 ҳисобида имкониятни бой бериб қўйишди. 

Ўзбекистон аёллар терма жамоаси ҳисобида 5 та турдан сўнг 6 очко мавжуд.