26 ноя 13:19
Янгиликлар

Шахмат

Шахмат Олимпиадасида совриндор бўлган ҳамюртларимиз тақдирланишди + ФОТО

Теглар : Шахмат

28 октябр - 6 ноябр кунлари Туркиянинг Чорум шаҳрида 16 ёшгача бўлган ақл-идрок соҳиблари ўртасида Бутунжаҳон Шахмат олимпиадаси бўлиб ўтди.

Мусобақада 9 тур натижасига кўра, биринчи ўринни Озарбайжон терма жамоаси 16 очко билан биринчи ўринни қўлга киритди. Ҳамюртларимиз 15 очко билан иккинчи ўринни, 14 очко билан Беларусь термаси вакиллари учинчи ўринни эгаллашди.

Мазкур Олимпиадада юртимиз шарафини Халқаро тоифадаги гроссмейстерлар Нодирбек Абдусатторов, Жавоҳир Синдаров, ФИДЕ спорт устаси Али Касимов, Муҳиддин Мадаминов, ФИДЕ спорт устаси Умида Омонова мураббий Сайидали Йўлдошев бошчилигида ҳимоя қилишди.

38 давлатдан 44 жамоа, умумий ҳисобда 300 нафардан ортиқ шахматчи қатнашган мусобақада иккинчи ўринни эгаллаган шахматчиларимиз бугун Ўзбекистон шахмат федерациясида тақдирланишди.

Қайд этиш лозимки, спортчиларнинг мусобақада Рақамли иқтисодиётни қўллаб-қувватлаш “Рақамли ишонч” фонди, шунингдек, Лойиҳа бошқаруви миллий агентлиги ёрдамида иштирок этишди.