Шахмат. Олий лигада иккинчи тур партиялари ўйналди

Айлана тарзда ўтказилаётган эркаклар ўртасидаги мусобақада 5 нафар халқаро гроссмейстер - Нодирбек Абдусатторов (2550, чемпионатнинг биринчи рақамли иштирокчиси), Сайдали Йўлдошев (2469), Марат Жумаев (2451), Алексей Барсов (2411) ва Тохир Воҳидов (2400) дона суряпти. 

Хотин-қиз шахматчилар мусобақасида эса икки нафар халқаро гроссмейстер - Гулруҳбегим Тохиржонова (2349, чемпионатнинг биринчи рақамли иштирокчиси) ва Сарвиноз Қурбонбоева (2219) иштирок этмоқда. Ҳар икки гроссмейстеримиз ҳам юз фоизлик натижага эга бўлиб туришибди. 

Тоҳиржонова иккинчи турда Маржона Ўктамовадан устун келди. Қурбонбоева эса Севара Боймуродовани енгди. Амалдаги мамлакат чемпиони Нодира Нодиржонова қора доналарда ҳаракат қилиб, Шаҳзода Шермуҳаммадовани таслим этди. Баҳора Абдусатторова Нилуфар Ёқуббоевадан устун келди.