09 июн 12:00
Янгиликлар

Шахмат

Шахмат. Ўзбекистон чемпионатида ғолиб ва совриндорлар маълум

Пойтахтимизда шахмат бўйича аёллар ўртасидаги Ўзбекистон чемпионатида олий лига бахслари якунланди.

Тўққиз тур якунларига кўра 6,5 очко жамғарган халқаро мастер Нодира Нодиржонова Ўзбекистон чемпионига айланди. Айнан шунча очко тўплаган халқаро гроссмейстер Гулруҳбегим Тоҳиржонова қўшимча кўрсаткичларга кўра иккинчи ўринни эгаллади.

Мамлакат чемпионатининг бронза медали 5,5 очко билан мусобақани якунлаган халқаро мастер Баҳора Абдусатторовага насиб этди. Нодиржонова энди Туркманистоннинг Ашхобод шаҳрида ўтказиладиган Ёпиқ иншоотлардаги Осиё ўйинларида иштирок этади.