Шахмат. “Қишки кубок” мусобақаси ғолиб ва совриндорлари маълум

“Ўзбекистон шахмат федерациясининг Қишки кубоги” номини олган мусобақа рапид йўналишида ўтказилиб, унда 18 ёшгача бўлган шахматчилар иштирок этишди.

Швейцарча тизимда ташкил этилган мусобақа ғолиблари 9 тур натижасига кўра аниқланди. Мазкур турнир шахматчиларга муҳим рейтинг очколарини тақдим этиши билан аҳамиятли бўлди.

Мусобақа якунида Тимур Имомов 7,5 очко билан ғолиб деб топилди. У биронта ҳам партияда мағлубиятга учрамади. Тимур 6 ғалаба ва 3 дуранг билан чемпионлик шохсупасига кўтарилди.

Айнан шунча очко жамғарган Суҳробжон Аввалбоев қўшимча кўрсаткичларга кўра кумуш соҳиби бўлди. Етти очкога эга Абдумалик Абдусалимов бронза медали билан тақдирланди.