Шахмат. Қишки кубок мусобақаси старт арафасида

“Ўзбекистон шахмат федерациясининг Қишки кубоги” номини олган мусобақа рапид йўналишида ўтказилиб, унда 18 ёшгача бўлган шахматчилар иштирок этади. Бугун шахматчилар рўйхатдан ўтишади, эртадан эса баҳсларга старт берилади.

Швейцарча тизимда ташкил этиладиган мусобақа ғолиблари 9 тур натижасига кўра аниқланади. Мазкур турнир шахматчиларга муҳим рейтинг очколарини тақдим этиши билан аҳамиятлидир.

Ғолиб ва совриндорлар ташкилотчилар томонидан кубок ҳамда қимматбаҳо совғалар билан тақдирланишади.