Шахмат. Тоҳиржонова жаҳон чемпионатининг учинчи даврасига йўл олди

Хабарингиз бор, ушбу жаҳон чемпионатида юртимиз шарафини ягона вакиламиз, аёллар ўртасида халқаро гроссмейстер Гулруҳбегим Тоҳиржонова ҳимоя қиляпти. Ўзбекистонлик биринчи аёл гроссмейстер Нафиса Мўминованинг синглиси бўлган Гулруҳбегим илк даврада ғалаба нашидасини сурганди.  

Кеча мусобақанинг иккинчи давра учрашувлари ўтказилди. Тоҳиржонова 1/16 финал босқичида хитойлик халқаро гроссмейстер Тан Жонг Йига қарши дона сурди. Дастлабки икки партияда томонлар муросага келишди. Ғолиб номини аниқлаб берган 25 дақиқалик тай-брекда Гулруҳбегим кучли рақибини мағлуб этди. 

Энди истеъдодли шахматчимиз 1/8 финал босқичида россиялик халқаро гроссмейстер Валентина Гунинага қарши баҳс олиб боради. Гунина кеча украиналик  Анна Ушенинадан 1,5 - 0,5 ҳисобида устун келди. 

Жаҳон чемпионати. 1/8 финал жуфтликлари:

Чжай Мо (Хитой) - Цзюй Вэньцзюнь (Хитой)

Йоланта Завадзка (Польша) - Жансая Абдумалик (Қозоғистон)

Наталья Погонина (Россия) - Екатерина Лагно (Россия)

Анна Музичук (Украина) - Антоанета Стефанова (Болгария)

Харика Дронавали (Ҳиндистон) - Александра Костенюк (Россия)

Алиса Галлямова (Россия) - Лэй Тинцзе (Хитой)

Мубина Алинасаб (Эрон) - Мария Музичук (Украина)

Гулруҳбегим Тоҳиржонова (Ўзбекистон) - Валентина Гунина (Россия)