Шахмат. Тошкентда Эркин Воҳидов хотирасига бағишланган турнир старт олди + ФОТОГАЛЕРЕЯ

23-24 декабр кунлари Ўзбекистон Шахмат федерацияси ва Ўзбекистон Ёзувчилар уюшмаси ҳамкорлигида илк бора Ўзбекистон Қаҳрамони, Халқ шоири Эркин Воҳидов хотирасига бағишланган шахмат турнири бўлиб ўтмоқда. Баҳсларда 100 дан ортиқ профессионал ҳамда ҳаваскорлар иштирок этмоқда. Ўзбекистон Қаҳрамони, Халқ шоири Эркин Воҳидов хотирасига бағишланган шахмат бўйича  халқаро турнири Рапид йўналишида 7 турдан, “А” ва “Б” гуруҳларида ўтказилади. Мусобақа швейцарча тизимда, ФИДЕ қоидалари бўйича ўтказилади. 

Мусобақада ўйин вақтини назорат қилиб бориш учун электрон соатлардан фойдаланилади. 

Хотира турнирда қатнашиш учун профессионал шахматчиларнинг ФИДЕ халқаро рейтингида 2000 баллдан кам бўлмаслиги талаб этилади, ҳаваскорлар ўртасида қатнашиш учун эса Ўзбекистон Ёзувчилар уюшмаси, Миллий Телерадиокомпанияси томонидан тақдим этилган рўйҳат асосида қатнашиш имкониятига эга бўладилар.

Ўзбекистон Қаҳрамони, Халқ шоири Эркин Воҳидов хотирасига бағишланган шахмат турнири швейцарча тизимда ўтказилиб, бугун 4 тур, 24 декабрда эса қолган 3 тур ташкил этилади. 

Чемпионат давомида Ўзбекистон Шахмат Федерациясидан ташриф буюрган тажрибали, профессионал ҳакамлар ишлашмоқда. 

Хотира турнирининг очилиш маросими 23 декабр куни соат 10:00 да Халқаро Шахмат академияси халқаро мусобақалар ўтказиш зали “Айвон” биносида, ёпилиш ҳамда тақдирлаш маросими эса 24 декабрда соат 12:00 да бўлиб ўтади. Чемпионат якунида иштирокчилар диплом, медал билан тақдирланадилар.

Суратлар муаллифи - Алимурод Мамадаминов