Шахмат: вакилларимиз кўзи ожизлар ўртасидаги Жаҳон чемпионатида муносиб иштирок этишмоқда

Мусобақа 17 июлга қадар давом этади.

Ушбу Жаҳон чемпионатида аёллар ўртасида 18 давлатдан 26 нафар спортчи, ёшлар ўртасида эса 13 давлатдан 13 нафар шахматчи ғолиблик учун дона суришяпти. Жаҳон чемпионати баҳсларида мамлакатимиз шарафини Ахадхон Кимсанбоев ҳамда Дурдона Жумановалар ҳимоя қилишмоқда.

1-турда Кимсанбоев рақиби швециялик Тога Жохадсон, Жуманова эса португалиялик Жозефа Спайчела устидан ғалаба қозонишди. 2-тур ўйинларида Ахадхон полшалик Мичал Ракисга қарши дона сурди ва бу ўйинда дуранг қайд этилди. Дурдонага эса индонезиялик Тита Пуспитага қарши баҳсда омад кулиб боқмади ва мағлубиятга учради.

3-тур ўйинларида Кимсанбоев испаниялик Сан Хуан Сантин Ааронга қарши, Жуманова эса колумбиялик Франко Перризга қарши дона суришади.

Шахмат бўйича кўзи ожизлар ва заиф кўрувчи ёшлар ва аёллар ўртасидаги жаҳон чемпионати баҳслари давом этмоқда.