Шахматчиларимиз БААдаги нуфузли шахмат фестивалида

Ўз тарихида 25-маротаба ташкил этилаётган ушбу фестивал доирасида 8та турли мусобақалар ўтказилмоқда. Унда ўзбекистонлик шахматчилар ҳам иштирок этишяпти. 

Энг нуфузли ҳисобланган - 25th Abu Dhabi International Chess Festival - Masters мусобақасида ҳамюртларимиздан халқаро гроссмейстер Нодирбек Абдусатторов, аёл халқаро гроссмейстер Гулруҳбегим Тоҳиржонова, халқаро мастерлар Тимур Қўйбоқаров ва Жавоҳир Синдаров ўз имкониятини синовдан ўтказмоқда. 

Ушбу турнирда 31 давлатдан жами 158 нафар шахматчи рўйхатдан ўтган. Улардан 54 гроссмейстер ва 35 нафари халқаро мастерларлардир. Турнирнинг рейтинг фаворитлари орасида 5 нафари рейтинги 2700дан юқори бўлган халқаро гроссмейстерлардир: Ле Куанг Лием (Вьетнам, 2727), Раппорт Ричард (Венгрия, 2719), Иван Чепаринов (Грузия, 2718), Ван Хао (Хитой, 2711) ва Владимир Федосеев (Россия, 2707).

Турнир швейцарча тизида 9 турдан иборат бўлади. Кучли ўнталикдан жой олган шахматчиларга пул мукофотлари топширилади. Биринчи ўрин соҳиби 13 000 долларга эга бўлади. Ўнинчи поғонадан жой олган шахматчига эса 600 долларлик чек тақдим этилади.