Шахматчиларимиз Памуккаледаги турнирда шоҳсупага кўтарилишди

5-13 июл кунлари Туркиянинг Памуккале шаҳрида халқаро шахмат турнири ўтказилди. Дунёнинг 22 мамлакатидан жами 1 032 нафар шахматчи иштирок этган мусобақада Ўзбекистон шарафини 13 нафар иқтидорли шахматчи ҳимоя қилди. 

Якунда ёш ҳамюртимиз Муҳаммадзоҳид Суяров 6,5 очко жамғариб, фахрли 3-ўринни қўлга киритди ва ўз рейтингига қимматли 12 пункт қўшиб олди. Ушбу гуруҳда муваффақиятли иштирок этган Гулдона Каримова аёллар ўртасида 2-ўринни, Нилуфар Якуббоева эса 3-ўринни эгаллади.