23 ноя 12:41
Янгиликлар
Шахмат
Шахматчиларимиз Туркияда чемпион бўлишди
16-22 ноябр кунлари Туркиянинг Мерсин шаҳрида «MERSİN METROPOLITAN MUNICIPALITY 4th INTERNATIONAL CHESS TOURNAMENT» турнири бўлиб ўтди.
Унда Ўзбекистон шарафини Нодирбек Абдусаттаров, Нодирбек Якуббаев, Алихан Гусейнов, Ҳалим Тураев ҳамда қизлардан Севара Баймуратова ҳимоя қилишди.
Ўзбекистон шахмат федерацияси матбуот хизматининг хабарига кўра, 15 давлатдан 81 шахматчи қатнашган мусобақада, 13 гроссмейстер ҳамда 15 халқаро спорт усталари дона суришди. Турнир швейцарча тизимда, 9 турдан иборат бўлди ҳамда ҳар бир партия охиригача 90 дақиқа берилди.
Куни кеча ўз ниҳоясига етган халқаро турнирда халқаро гроссмейстер Нодирбек Абдусаттаров 9 имкониятдан 7 очко жамғариб, турнир чемпионига айланди. Севара Баймуратова эса 5,5 очко билан қизлар ўртасида чемпион бўлди.
Ҳавола :
Манба : olamsport.com
Фикрлар