27 июл 09:23
Янгиликлар
Шахматчиларимизнинг Иссиқкўлдаги муваффақияти
Д.Дербишев хотирасига бағишланган блиц-турнирда Марказий Осиё мамлакатларидан келган шахматчилар дона суришмоқда. Швейцарча тизимда 7 турдан иборат мусобақада 14 ёшгача жами 31 нафар иқтидор эгалари ғолиблик йўлида баҳсларга киришишди.
Қувонарлиси, халқаро турнирда иштирок этган ўзбекистонлик шахматчилар ғолиб ва совриндорлар қаторидан жой олишди. Самандар Шермуҳаммдов 14 ёшли шахматчилар орасида биринчи ўринни эгаллади. Баҳром Бахриллаев 10 ёшлилар ўртасида кумуш, Жонибек Бахтиёров 14 ёшлилар орасида бронза медалига сазовор бўлди.
Маълумот учун, Самандар Шермуҳаммедов 7 имкониятдан 6 очко тўплади. Жонибек Бахтиёров шунча партияда 5 очко жамғарган бўлса, Баҳром Бахриллаев 24 шахматчи орасида 6 очко билан соф иккинчи ўринни эгаллади.
Стандарт шахматнинг жамоавий баҳсларида ҳамюртларимиз 6-турдан сўнг 27 очко билан пешқадамлик қилишяпти. Иккинчи ўринда бораётган Қозоғистон терма жамоасида 24 очко бўлса, мезбонлар қирғизистонлик шахматчилар 22 очко билан кучли учликка якун ясашган.
Фикрлар