19 ноя 10:31
Янгиликлар

Тадбирлар

Шахсий намуна: ҳокимлар ҳудудида соғлом турмуш тарзини тарғиб қиляпти

Бежизга «жисмонан соғлом, маънан етук» деган жумлани ишлатмаймиз, соғлом кишигина қайсидир соҳага наф келтириши мумкин.

Қашқадарё вилояти ҳокими Зоир Мирзаев вилоятда соғлом турмуш тарзини тарғиб қилишда намуна бўлмоқда. Ҳоким ҳафтанинг шанба кунлари барча раҳбарлар велосипедда юришини айтиб, ҳар бир шаҳар ва туманларида камида 3-4 км узунликда велосипед ва пиёдалар юрадиган йўлакчалар қурилишини маълум қилди.

Яккабоғ ҳокими жамоаси билан футбол ўйнаган бўлса, Китоб ҳокими эрталабки бадантарбия машғулотларини бажарди.

Машғулотларга бошқарув аппарати ходимлари, ташкилот ва муассасалар раҳбарлари иштирок этди.

— Жисмоний ҳаракат янги иш куни унумдорлиги ва кайфиятнинг кўтаринки бўлишида муҳим омил бўлади, – деб ёзади ҳокимлик Ахборот хизмати.