Шин Шимкентда муваффақиятли старт олди

Мукофот жамғармаси 15 минг АҚШ долларини ташкил қилувчи ушбу турнирда яна бир ҳамюртимиз Максим Шин ҳам ўз имкониятини синаб кўряпти. Афсуски, турнирда тўртинчи рақам остида таснифланган теннисчимиз Сергей Фомин илк даврадаёқ ATP рейтингида 1167-поғонада бораётган ҳиндистонлик Арян Шаҳга 5/7, 0/6 ҳисобида ютқазиб қўйганди.

ATP рейтингида 1365-ўринда бораётган Максим Шин 1/16 финалда 1865-поғонадан жой олган ҳиндистонлик Юван Нандални икки сетда ҳам бир хил ҳисобда мағлубиятга учратди - 6/2, 6/2. Энди Максим 1/8 финалда Арян Шаҳга қарши баҳс олиб боради ва Фомин учун реванш олишга уриниб кўради.