Шинкиокушинкай каратэ бўйича халқаро Амир Темур кубоги ўтказилди + ФОТОГАЛЕРЕЯ

Ҳасан Назаров ташаббуси билан NUR-HAS каратэ маркази томонидан ўз тарихида тўртинчи бор ташкил этилган халқаро турнирда мамлакатимизнинг барча вилоятлари ҳамда қўшни Қозоғистон ва Тожикистондан келган 200 нафарга яқин спортчилар ғолиблик йўлида татамига чиқишди. 

Қизғин ва муросасиз кечган беллашувлар якунида болалар, ўсмирлар, катталар ўртасида бир нечта вазн ҳамда ёш тоифаларида ғолиб ва совриндорлар аниқланди. 

Жумладан, Мутал Назаров мураббийлигидаги Тошкент шаҳри Сергели туманининг бир гуруҳ ёш спортчилари шоҳсупага кўтарилиш баробарида Осиё чемпионатига ҳам йўлланмани қўлга киритишди.

Ўз вазн тоифаларида Холбоев Мирзоҳид, Хамраева Рухшона, Улашева Муслима олтин, Назаров Муҳаммадали, Зоиржонов Ҳумоюн, Юсупова Сабрина, Эшқобилова Машҳура кумуш, Қурбонов Абдуллоҳ бронза медалига сазовор бўлди.