Шинкиокушинкай каратэчиларимизнинг Душанбе турниридаги муваффақияти + ФОТОГАЛЕРЕЯ

Марказий Осиё давлатлари ҳамда Эрон Ислом Республикасидан 6 ёшдан 15 ёшгача спортчилар иштирок этган турнирда юртимиз спорт шарафини шихан 5-ДАН қора белбоғ соҳиби Мутал Назаров бошчилигидаги ёш каратэчиларимиз ҳимоя қилишди. 

NUR-HAS каратэ маркази тарбияланувчиларидан Холбоев Мирзоҳид 10 ёшлилар орасида 30 кг вазн тоифасида олтин медаль соҳибига айланди. 45 кг вазнда татамига чиққан Назаров Муҳаммадали 12 ёшлиларда, Умиджонов Умаржон (28 кг) 8 ёшлилар орасида кумуш медалга сазовор бўлди. Ўн икки яшар Абдураупов Озодбек (+45 кг) эса бронза медали билан тақдирланди. 

Халқаро мусобақа якунида Ўзбекистон ва Тожикистон шинкиокушинкай каратэ федерациялари ўртасида ҳамкорлик меморандуми имзоланди. Унга кўра, икки давлат спортчилари ўртасида қўшма ўқув-машғулот йиғинлари, мураббийлар ва ҳакамлар учун семинарлар ўтказилади. 

Ғолиб ва совриндорларни тантанали тақдирлаш маросимидан сўнг Мутал Назаров Тожикистон Республикаси спорт ва ёшлар ишлари бўйича қўмита раҳбари Абдулло Раҳмонзода ҳамда мамлакат Шинкиокушинкай каратэ федерацияси президенти Рустам Юсуповга эсдалик совғалари топширди.