16 дек 11:13
Янгиликлар
Бокс/ММА
Шлеменко - Илич реванш жанги 1-раунд тугашига 9 сония қолганда тўхтатилди
Россиянинг Екатеринбург шаҳрида аралаш яккакураш бўйича RCC 17 турнири бўлиб ўтди.
Хабар берганимиздек, ушбу турнир доирасида оғир вазн тоифасидаги аралаш яккакураш устамиз Ҳасанхон Баратов (9-3-0) россиялик Сергей Веселкин (14-3-0) билан жанг қилиб, мағлубиятга учраган эди.
Оқшомнинг асосий жангида эса ўрта вазн тоифасида россиялик собиқ Bellator чемпиони Александр Шлеменко ҳамда сербиялик Александр Илич ўзаро тўқнаш келишди. Улар ўртасида 16 ой аввал ўтказилган илк жангда Илич кутилмаганда ғалаба қозонган эди.
Реванш жангида эса Александр Шлеменко ўша мағлубият учун муносиб тарзда реванш олишга муваффақ бўлди. Биринчи раунд якунланишига 9 сония қолган бир пайтда рефери Вячеслав Киселев жангни тўхтатишга мажбур бўлди. Партер ҳолатида чуқур ҳимояда қолиб кетган Илич шу тариқа мағлубиятга учради.
Ҳавола :
Фикрлар