Шоҳасан Мирзаматовга «вызов» ташлашди

Доғистонлик аралаш яккакураш жангчиси Магомед Магомедов (7-0) Шоҳасан Мирзаматов(9-1)ни жангга чақирди.

«Octagonleague, мен сизнинг олдингизга энг яхши жангчилар билан курашиш учун келдим! Ўзбекистонда турнир ўтказишни режалаштираётганингиздан хабарим бор, Шоҳасан эса камарга даъвогар. Мен мағлубиятсиз кетяпман ва унинг ватанида лигада чемпионлик камари учун жанг қилишга тайёрман. Бу ерда ҳеч қандай шахсий нарса йўқ, фақат энг яхшилар билан курашиш ва жангчи сифатида ўсиш истаги бор. Фаолиятимда яна бир камар қўлга киритмоқчиман. Шоҳасан, жанг қил! Кел, томошабинларга шоу тақдим қилайлик», - деб ёзди Магомедов Инстаграмда.

Эслатиб ўтамиз, "Оctagonleague" ҳамда U1 19 февраль куни Тошкентда турнир ўтказади.