Шоҳжаҳон икки ҳафта ичида иккита жанг ўтказади. Ҳамюртимиз Фьюри кардида рингга чиқади + ПОСТЕР

Оқшомнинг марказий жанги оғир вазн тоифасидаги британиялик таниқли чарм қўлқоп устаси Томми Фьюри ҳамда босниялик Кенан Ханжалиc ўртасида кечади.

Эътиборлиси, мазкур турнир доирасида ўзбекистонлик профессионал боксчи Шоҳжаҳон Абдуллаев ҳам рингга чиқадиган бўлди. 22 яшар ҳамюртимизга ўша куни Грузия вакили Иракли Аланидзе (6-5-1) рақиб бўлади.

Қизиғи, Абдуллаев бундан олдин 26 апрель куни ҳам жанг ўтказади. Шоҳжаҳон Будапештдаги илк баҳсида венесуэлалик Иван Матьют (31-20-2) билан тўқнаш келади.

Маълумот учун, Шоҳжаҳон проф боксдаги фаолияти давомида ҳозиргача 3 та жанг ўтказиб, уларнинг барчасида ғалаба қозонган. Ҳамюртимизни яқин икки ҳафта ичида навбатдаги иккита жанг кутиб турибди.