Шон О'Мэлли: "Петр Яннинг оловини ўчираман"

“Атрофдагилар Петрнинг анча кучли эканини, унинг кичик рус қотили экани ва шунга ўхшаш нарсаларни айтишади. Менимча, улар ҳақ. Буни биринчилардан бўлиб тан оламан. Петр ҳақиқатан ҳам кучли. Аммо мен 11 йил давомида шундай дақиқалар учун машқ қилдим. Мен суперюлдуз бўлишни хоҳлайман, бу каби дақиқалар суперюлдузларни яратади. Мен Абу-Дабига бориб, 22 октябрь куни Петрнинг оловини ўчираман – суперюлдузлар шу тарзда туғилади.

Петр Ян айтилганида, таклифни бир неча сония ичида қабул қилдим. Улар менга қўнғироқ қилиб: "Ҳой, бу ҳақда қандай фикрдасан?", - дейишди. Ва мен: "Ҳа, мен бу жангни хоҳлайман", - деб жавоб қайтардим", - дея О'Мэллининг сўзларини келтиради Sportskeeda нашри.

Эслатиб ўтамиз, Петр Ян сўнгги бор 10 апрель куни Алжемейн Стерлингга қарши жанг қилган эди. Шон эса охирги бор июль ойининг бошида, аниқроғи, 3 июль куни Педро Муньозга қарши жанг қилган эди.

Аввалроқ, Шон ва Петр ушбу жангга муносабат билдиришган эди.