08 сен 14:58
Янгиликлар

Қиличбозлик

Шпагачи қизларимиз иккита бронза медалини қўлга киритишди

Пойтахтимизда давом этаётган қиличбозлик бўйича “Сателлит” халқаро мусобақасининг навбатдаги кунги беллашувларида ҳамюртларимиз шохсупага кўтарилишди.

Регламентга кўра, кеча аёллар ўртасида шпага бўйича баҳслар ўтказилди. Унда иштирок этган вакилаларимиз Малика Ҳакимова ҳамда Вероника Рожкова мусобақанинг бронза медалларига сазовор бўлдилар.

Дастлабки ярим финал баҳсида Рожкова грузиялик Майя Гучмазова билан рўбаро келди ва 14:15 ҳисобида имкониятни бой берган бўлса, Ҳакимова россиялик Марина Кесаевага 10:15 ҳисобида мағлуб бўлди. Олтин медаль учун кечган жанг грузин қиличбозининг ғалабаси билан якунланди.

“Сателлит” халқаро турнири. Шпага, аёллар.

1. Майя Гучмазова (Грузия)
2. Марина Кесаева (Россия)
3. Вероника Рожкова (Ўзбекистон)
3. Малика Ҳакимова (Ўзбекистон)

Мусобақанинг бугунги дастурида эркаклар ўртасида ғолиб ва совриндорлар аниқлаб олинади.