18 июн 21:25
Янгиликлар

Сув спорти турлари

Шунақаси ҳам бўлар экан. БРИКС ўйинларининг синхрон сузиш баҳсларида бир нафар спортчи иштирок этиб, олтин медални қўлга киритди!

Шу кунларда Россиянинг Қозон шаҳрида БРИКС ўйинлари комплекс мусобақаси бўлиб ўтмоқда.

Мусобақанинг кечаги кунида эркаклар ўртасида синхрон сузиш беллашувлари ўтказилди.

Қизиғи, эркин яккалик дастурида фақатгина бир нафар спортчи - россиялик Александр Мальцев иштирок этди. Унинг чиқиши ҳакамлар томонидан 211,6 балл билан баҳоланди ва спортчига ўз-ўзидан олтин медаль топширилди.

Аввалроқ ҳам ушбу комплекс мусобақа доирасида синхрн сузиш беллашувларида шунга ўхшаш ҳолат юз берган эди. Икки нафаргина спортчи иштирок этган баҳсларда Мальцев олтин, таиландлик Кантинан Адисаисирибутр эса кумуш медалга эга чиққан эди.